عمان جو - تصوير: مهند مازن

وقع الكاتب الاردني الشاب وسام علي٫ كتابه الغزلي "لا اكثر ولا اقل"، وسط اصدقائه والمعجبين.
وكتب وسام في مقدمة الكتاب: "على فكرة تعبنا من تكرار الكلام، وتعبنا من توضيح شو بنحب وشو بنكره، تعبنا نعبر عن طريقة تفكيرنا ونفسر شخصيتنا، تعبنا نشوف ونعيش نفس السيناريوهات طول الوقت، الوجوه مختلفة والمواقف قاعدة بتعيد حالها بطريقة غريبة ومستفزة! بطل عندي القدرة على هذا الروتين القاتل، بدي اشي يوفر علي عناء الكلام والمناقشات المكررة، زهقت! علشان هيك قررت اكتب هاي الاشياء البسيطة اللي كافية انها تعبر عني بشكل كبير، ومين بيعرف يمكن تكون بتعبر عنك انت كمان، بحيث اني اقدر اعرضها على اي شخص بقول انو مهتم فيي وحابب يفوت على حياتي وحاببني، عشان بيوم من الايام صار ما صار ما حدا يحكيلي ما كنت بعرف انا هيك! لا انت كنت بتعرف اني هيك وانا كنت واضح من البداية. بس انت ما كنت قد هالشخصية الي قرات عنها وما قدرت تجاريها، لا اكثر ولا اقل".