خارج التغطيه ..
عمان جو - غيداء قطيشات - أصعب شعور لما تكون حامل مسؤولية أكبر منك و عليك ضغط كبير فيها و التفكير مضيّع من وقتك وجهدك ، بتفكر بس ! على ايش و بشو ..
بتحمّل نفسك مسؤولية أهلك أولادك أصحابك و معهم نفسك من ناحية مواقفهم تصرفاتهم حتى كلامهم و كثير أشياء ، بتحس إنك ضايج و طاسة الأفكار مليانة و دائماً مشغول فيها و غير كل هاد العبئ بتحسب حساب لكلامك معهم و مع غيرهم ، دائماً بتفكر كيف تكون شخص مثالي ما بحب اللي حوليه يغلطو كيف لما تيجي الشغلة على نفسه ؟!
بتفكر كيف تواكب جيلك و جيل اللي قبلك و اللي بعدك ، تفهم تصرفاتهم اسلوبهم عشان تجاري حياتهم و تكسبهم لطرفك تسمعهم و تكون مركز ثقة الهم ، يمكن هاد الاشي بخليك تتعلم منهم مواقف فاهمها غلط و يمكن تكون قدوة لأحدهم .
إنك تلاقي شخص سند يحفظ سرك يحبك بدون مصلحة و يفهمك و الأهم من هاد يكون في ثقة بينكم لانه الثقة مثل الكنز ما بقدر يحافظ عليه إلا اللي يقدره و هاد اشي نادر و صعب ، و أنت بينك و بين نفسك بتثابر عشان الصفات اللي من القلة المنقرضة تكون فيك و تيجي تثبت للدنيا و الأيام الجاي انه الناس لسا فيها خير .. بالرغم من شعور التعب و الضجيج و تفكيرك بين الحين والآخر إنك تبعد عن كل الناس ؛ لانه محتاج وقت ترتاح فيه من أفكار و مصالح لغيرك أكثر من نفسك ، بيجي على بالك تكون خارج التغطية خارج أي موقف سلبي ، إنك ترجع طفل صغير بدون مسؤوليات ، أكبر همومك شو نوع اللعبة اللي رح تشتريها شخص غير مُلام ، ملاك ما بتحمّل نتيجة اغلاطه ، شخص مثالي حتى مع نفسه يكون معها و ما يضرها يبعد عن أي موقف ممكن يدمر نفسيته لانه قبل هاد كلّه لازم تتذكر شغلة مهمة اذا ضعفت بيوم من الأيام ما في شخص يسندك عشان ترجع و توقف من أول و جديد بصلابة و قوة تسمع و تبذل مجهود لأجل المثالية .
#ومع_لش
بتحمّل نفسك مسؤولية أهلك أولادك أصحابك و معهم نفسك من ناحية مواقفهم تصرفاتهم حتى كلامهم و كثير أشياء ، بتحس إنك ضايج و طاسة الأفكار مليانة و دائماً مشغول فيها و غير كل هاد العبئ بتحسب حساب لكلامك معهم و مع غيرهم ، دائماً بتفكر كيف تكون شخص مثالي ما بحب اللي حوليه يغلطو كيف لما تيجي الشغلة على نفسه ؟!
بتفكر كيف تواكب جيلك و جيل اللي قبلك و اللي بعدك ، تفهم تصرفاتهم اسلوبهم عشان تجاري حياتهم و تكسبهم لطرفك تسمعهم و تكون مركز ثقة الهم ، يمكن هاد الاشي بخليك تتعلم منهم مواقف فاهمها غلط و يمكن تكون قدوة لأحدهم .
إنك تلاقي شخص سند يحفظ سرك يحبك بدون مصلحة و يفهمك و الأهم من هاد يكون في ثقة بينكم لانه الثقة مثل الكنز ما بقدر يحافظ عليه إلا اللي يقدره و هاد اشي نادر و صعب ، و أنت بينك و بين نفسك بتثابر عشان الصفات اللي من القلة المنقرضة تكون فيك و تيجي تثبت للدنيا و الأيام الجاي انه الناس لسا فيها خير .. بالرغم من شعور التعب و الضجيج و تفكيرك بين الحين والآخر إنك تبعد عن كل الناس ؛ لانه محتاج وقت ترتاح فيه من أفكار و مصالح لغيرك أكثر من نفسك ، بيجي على بالك تكون خارج التغطية خارج أي موقف سلبي ، إنك ترجع طفل صغير بدون مسؤوليات ، أكبر همومك شو نوع اللعبة اللي رح تشتريها شخص غير مُلام ، ملاك ما بتحمّل نتيجة اغلاطه ، شخص مثالي حتى مع نفسه يكون معها و ما يضرها يبعد عن أي موقف ممكن يدمر نفسيته لانه قبل هاد كلّه لازم تتذكر شغلة مهمة اذا ضعفت بيوم من الأيام ما في شخص يسندك عشان ترجع و توقف من أول و جديد بصلابة و قوة تسمع و تبذل مجهود لأجل المثالية .
#ومع_لش
تعليقات القراء
لا يوجد تعليقات
الرد على تعليق