عمان جو - جلال الرحاحلة - صباح اليوم رن ابني يا ابوي صار معنا حادث بباص الجامعه وهيني بمستشفى الزرقاء فطيت من النوم زي المجنون وركبت السيارة وعلى الزرقاء وطول الطريق وانا اطمن لما أوصلت المستشفى وصفيت صوبت هوشه مع امن المستشفى ممنوع توقف روح على الكراج يعمي بدي اطمن على ابني بس شويه ولا حياة لمن تنادي تركت السيارة ودخلت
وانا بالطريق بحكي ابني بقول اجا واحد وطلب منه يقول اوقعت بالجامعه وسالت ابني مين معك من الجامعه قال ولا حد ولما أوصلت واطمأنت عليه ولا كاين سعادة عطوفة عميد شؤون الطلبه واصل قبلي بدقايق ومش مكلف خاطره عطوفته يبعث ناس يتفقد الطلاب وجدلا اذا ابني ما كان معه فلوس تكفى للدفع للمستشفى ما انتوا بتعرفوا حوادث السير ما بتعالج اما يدفع وهون مصيبه
بالنهايه لما حكيت عنوان الخبر لانه حكالى ابني والفزعه شباب الجامعه لتركوا محاضراتهم وهمه لحقوا على المستشفى قبل ادارة الجامعه وكان هم الاداره عدم الحصول على تقرير طبي قضائي وهذا ما حصل مع احد الطلاب من الخشمان ورفض الدخول لاسباب احراجيه اله حكولي الشباب السلطيه بالباصات انه الباص عامل حادث قبل يومين وما فيه بريكات والطلاب طالعين بالباص عالواقف بس سؤال هوه اجار الواقف اقل من القاعد وللعلم ابني من السلط ولغاية الجامعه واقف بنص الباص يا بتلحق كرسي لا بدك توقف او بتسجل غياب لانه ما فيه باص ثاني
بالنهاية ما اشتكيت لانه الراح ينحط وينسجن السائق اما صاحب الباصات وادارة الجامعه رح يمضوا نهاية اسبوع سعيده
نسخه الى معالي وزير التعليم العالي
نسخه ألى معالي وزير النقل
نسجه الى رئيس الجامعه الهاشميه اذا حاب يقرأ
نسخه للمواطنين الغلابا طلاب الجامعه ابناء السلط المغضوب عليهم بتنقلهم ومعاناتهم
وباليد ولا بالباص مشان النقله الثانيه على السريع..