عمان جو- المستشار المهندس سامر التميمي
بسم الله الرحمن الرحيم ...السلام عليكم
تعليق على ما نسمعه بقطع المساعدات اقسم بالله انا مبسوط اقولكو ليش احنا دولة من اقوى دول العالم وبأمكانا انكون من دول الاولى العالم المتقدمه بأذن الله خذ عندك :
١ـ قيادة حكيمة عصرية تاريخيه هاشميه متزنه منفتحه على العالم الخارجي سياسيا واقتصاديا وعلميا وتكنولوجيا . قيادة قوية ورحيمه بنفس الوقت متواضعه ومتسامحه وهذا الشي عايشته وشفته ولمسته بكل حواسي أضف إلى ذلك علاقات قويه جدا مع مختلف الأطياف السياسية في مختلف دول العالم بعمق عالمي عربي اسلامي معروف لدى الأردن منذ تأسيسها بموقع جغرافي مميز .
٢ـ استقرار داخلي بأجهزة أمنية مدربة مهنية قوية من أبناءنا وشعب واعي مدرك مثقف متعلم متماسك بوحدته الوطنية بعشائرة ومدنه وقراه ومخيماته الي جذورها ضاربه في المياه الجوفيه بين صخور الاردن و تضاريسها.
٣- أيدي عاملة محترفة مدربة مع نسبة تعليم عالي جدا منتشرة في مختلف مدن الاردن وقراها وبنصدر كمان لبرة.
٤-الارض مليئة بالخيرات الطبيعية والصناعية والسياحيه من الشمال للجنوب حتى الصحرى بنقدر نزرعها والبحر بنحلية والشمس بنستخدمها والريح بنستقبلها والغاز بنطلعه والصخر الزيتي بنعصرة والفوسفات والبوتاس بنصنعه ونحاس بنصهرة واليورانيوم بنخصبه لأغراض سلميه والزيتون بنعصرة والقمح بنحصدة حتى الملح والطين بنصدرة...الخ .
٥- البنية التحتية حدث ولا حرج شوارع جسور شبكة مياه وشبكة كهربائية ممتدة لخارج الاردن وشبكة تكنولوجيه رقمية وشركات ومصانع ومؤسسات جامعات مدارس مستشفيات وقطاعات مختلفة محترفة ......الخ
٦- والأهم من ذلك احنا ربنا معنا بأذن الله عمرنا ما اعتدينا على حدى ودار وملجأ لكل ملهوف ولا عنا صيدنايا ولا نبيع مواقفنا وأخلاقنا اسلاميه هاشمية عربية من انخلقنا.
بدها منا بس التوكل على الله وشدة حيل والتفاف حول القيادة وتخطيط سليم وطني مستقبلي ونشد الأحزمة شوي لفترة قصيرة ونشمر عن ذراعنا أن شاء الله...
والحمد لله رب العالمين