عمان جو-فن


نشرت الفنانة نيللي كريم صورة مثيرة للجدل لها عبر صفحتها الخاصة بموقع إنستقرام وهي على أحد الشواطئ بالمايوه البكيني، ورغم أن الصورة لم تبرز مفاتن النجمة الشهيرة، وبدت غير مثيرة كما يقول البعض، إلا انها حطمت صورة نيللي كفنانة ملتزمة بعدم نشر صورها الخاصة جدا للجمهور، وتفاوتت ردود الأفعال كالعادة ما بين مؤيد لها أو رافض ولكن اللافت أن الكل التزم آداب الحوار وتوقفت موضة توجيه السباب للنجمات وهو ما أثار حفيظة الفنانة المثيرة للجدل سما المصري.

المثير أن الضجة على صورة نيللي بدأت من حساب الفنانة المثيرة للجدل سما المصري التي أبدت دهشتها من عدم هجوم الناس على نيللي كريم بينما تتلقي هي المئات من رسائل السب والقذف والإهانة عندما تنشر صورها من داخل حمام السباحة وقالت: بالنسبة لنيللي ((حريه شخصيه)) بالنسبة لسما المصري((قله ادب وسفاله))....... طبعا لو سما المصري هي اللي كانت لابسه المايوه ده و منزله صوره زي دي كان زمان اتعمل عليا حفله دلوقتي واتمسك لها طبله ورق واشتغلت المواقع تقطيع في اللي جابوني من صحفيين ولاد حلال ومواقع ع النت وصفحات من اياها...
اضافت سما: طب ما هو الفنانات اللي بيسبقوني في السن وفي الفن بيلبسوا مايوهات عادي اهو اشمعن اااااني؟؟؟.....لكن نيللي نجمه برضو...انا عارفه اني بنت البطة السودة وكمان في فرق سرعات برضو ياسيدي.....امممم....اه لو لعبت يازهر....بحبك يانيللي....علي فكره الصورة علي صفحتها انا مش سارقاها...انا مش حراميه...انا مغنيه...هههه...بس بصراحه قمر يانيللي ولا يبان عليكي السن والمايوه يجنن عليكي...ربنا يحميكي والله وتمتعينا بالمايوهات الحلوه دي ...هانزل اشتري مايوه ذيه بالظبط ولا عزاء للمنفسنييين.
وبالفعل بدأت حفلة الهجوم على نيللي كريم فقال متابع لها يدعي محمد موافي: لسه الناس من يومين بيقولوا دي انسانه محترمه لا عمرها ظهرت عريانه ولا اتقال عنها كلمه وحشه وكمان مش اوفر في مكياجها بجد صدمه انك تتصوري كده..
ورغم أن الهجوم على غير العادة التزم حدود الأدب والاحترام وخلا من الالفاظ الجارحة إلا انه استفز بعض مؤيدي نيللي الذين طالبوا باحترام حياتها الخاصة فقالت نورهان: الناس الى ادايقت من الصورة خليكو ف حالكوا وف اختراع اسمه #unfollow بدل ما تقولو كلام رخم وشتايم انا الى مليش علاقة ادايقت لما قريته ان حد بيشتم حد لمجرد انه مختلف معاه ف ثقافته و لبسه وتفكيره، عالم زبالة
وأضافت متابعة تدعى يارا: انا مش فاهمه الناس ايه اللي تاعبها ما كل واحد ليه ثقاقته وبيئته اللي فيها ما تلبس اللي تلبسه مادام بتنزل في البروفايل بتاعها انت او انتي متدايقين متدخلوش عندها وسيبو كل واحد في حااه وبطلو التخلف اللي بقينا عايشين فيه ده ودي فنانه محترمه يعني خليكو محترمين شويه اللي عنده كلمه حلوه يقولها والي معندوش يحط لسانه في بقه ويخرس ويخلي رأيه الخره اللي زيه لنفسه ياريت

وابدت ياسمين وجدى دهشتها بتعليق قالت فيه: انتوا مستغربين اوي انها بتلبس بكيني ، ايه المشكله يعني ماهي بتلبس لبس الباليه وانتوا عارفين فستان الباليه بيبقا عامل ازاي! خليكوا ف حالكو و كل واحد يخليه ف حاله احسن ، و هيا حره اكيد تلبس ايه ودا اللي اتعودت عليه طول عمرها ، لو عايزين فعلا تنصحوها ادعولها ربنا يهديها مش تكتبوها! ، و راعوا مشاعر اللي بيقري الكومنتات عشان دا بني ادم زيكوا و الكلام اللي بتقوله دا بيدايقه ، و حاجه اخيره كل واحد يشوف نفسه الاول.
نيللي كريم بالبكيني لأول مرة .. والجمهور يلتزم حدود الأدب لأول مرة ..ولكن يبقى السؤال ..لماذا يقبل الجمهور من نيللي كريم ما يرفضه من بقية النجمات مثل سما المصري؟