عمان جو - بقلم هلا عارف

من قمة الام تولد الابتسامة هذا ما اكده الشاب محمد المجالي بداية هذه كلمات قالها محمد (وانا وصغير بحب كرة القدم ⚽..متلي متل اي حدا من صحابي وولاد جيراني كنا نلعب بالحارة ...نعمل جوول و فرق وكان في قوانينا الخاصة فينا ..ونصفر ونبلش نلعب ...
الفوتبول هو اكتر اشي كان يسليني بالحياة ,,,
بس انا كبرت وصار في عندي اهتمامات تانية غير القدم هي المدرسة ..و كنت طالب مميز و تفوقت بدراستي ,,,
يوم من هالايام صحيت ورجلي اليمين بتوجعني كتير ...قسيت عليها وسكتت ..حكيت يمكن اكلت ضربة عليها كالعادة ....
بس الموضوع ما كان هيك ..الوجع طوّل كتير ..وبالاخر اهلي اخدوني عند دكتور عظام
صار الدكتوور يحكي معي بلغة غريبة ..حكالي اشي متل خلايا مو طبيعية مو سليمة ..اشي متل كيماوي ...يعني طلع فيها سرطان
من هاد اليوم حياتي شبه انقلبت ..دخلت عالم غريب ..صرت اشوف وجوه جديدة ...مركز الحسين صار عالمي التاني وصرت واحد منهم اتعالج معهم
ما حبيت اكون مريض سرطان يائس مسلم امره ..اكيد المرض مش باختياري ولا حتى خطر على بالي بس سعادتي انا اخترتها وايماني بالله كبير وما رح يتركني ويمكن هالمرض يكون السبب لاكون اشي كبير بهالحياة ..لهيك ضليت قوي متل ما انا والكيماوي كان متل عصير بنكهة ما بحبها